阿福哎，侬有几个囡？我有十个囡。一个囡，呕其烧烧火，火添尖头搨麦粿；一个囡，呕其发稻草，稻草堆里翻顶倒；一个囡，呕其滰碗盏，沿路敲碗爿；一个囡，呕其倒夜桶，夜桶里厢出屙虫；一个囡，呕其倒尿瓶，尿瓶口里抲蜻蜓；一个囡，呕其滰衣裳，衣裳会揞满弄堂；一个囡，呕其补衣裳，针会触进大脚胖；一个囡，呕其翻翻被，被头里厢喳喳唏；一个囡，呕其揩桌凳，桌凳高头困晏觉；一个囡，呕其吃饭来，吃饭桌凳会开。
选自《中国民间文学集成·鄞县卷》
